Forums
Shkodra -Lajme - Forum - Chat - Muzik - Radio -Video - TV :: Forums :: Temat Shoqërore - Shkencat :: Letersia
 
<< Previous thread | Next thread >>
Asdreni - Aleksandër Stavre Drenova (1872-1947)
Go to page  1 2
Moderators: :::ShkoderZemer, SuperGirl, babo, ⓐ-ⓒⓐⓣ, Edmond-Cela, ::bud::, ~*Christel*~, Al Bundy, :IROLF:, ::albweb::, OLIVE OYL
Author Post
LUPEN
Fri Mar 10 2017, 10:00pm

Registered Member #2813
Joined: Tue Mar 24 2009, 12:56am

Posts: 10264
Ora e zemres

Shkrihen ujrat ner liqene,
Qielli fletet nis e hap
Mbyllur zemra rri si qene
S'do te çohet jashte nje çap.

Strehevet treten dhe kongjijte,
Shterrin lotet gjith pike pike
Zemra hesht e mbledh peqinjte
Me nje sy me sheh te lik.

Maje biskut zogu tundet,
Rreze vere gjith po pret,
Gjumit zemra s'do te shkundet,
As nje ndjenje asaj si flet.

Kryet kacja qet si trime
Qilimin e bardhe e flaku tej,
Tuf e barit dje si qime,
Sot çel bishtrat musi hej.

Dhe gjinkalla mer kitaren
Nje arratises vjershetor
Rri mpreh zerin mi te paren,
fije barit prandveror.

Hapu zemer, vjen pranvera
Rreze shkasin ne çdo skaj
Merr lahuten dil tek dera,
Nisia kenges e mos qaj!

Thuria kenges dhempshurije
Çele zemren magjiplote,
Ligjeraten dashurije
Qe dha qielli doreplote.

Çohu zemer, shteri lotet,
Bjeri tingullit ledhatar
Se gjesendi s'vlejne motet
Sa vlen çasti magjistar...




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:03pm

Registered Member #2813
Joined: Tue Mar 24 2009, 12:56am

Posts: 10264
*****

Larg vatrës derdhëm gjerë vala gjaku,
Si lis pa degë mbetëm veç ne gdhënj,
Më s’mbet filiz të mbahet gjallë plaku,
Por male shkarpash veshur me shkëmbinj.

Me gunën tonë të endur flokësh dhie,
Në vend ta mprojmë veten motit t’keq,
E bëmë strehë pritje miqësie,
Përsa që kishim brenda nga një dreq.

Për një lavdi të kotë shkrijtëm eshtrat,
Ku tjetrit s’i pat kurrë shkuar këmba,
U ropmë gjersa na u zbardhnë leshrat
Në vend kurorash, korrëm ferra, gjemba.

U vranë për të tjerë kotsëkoti,
Treguam trimëria pa dobi,
Për vete s’na piku kurrë loti,
Sa mbetmë veç një dorë për habi.

Të verbër nga padia edhe feja
Dëshirë kemi sendesh të pavend,
S’mendojmë se prap’ ne do t’jemi preja
Kujt zgjatim dorën, lypës të pamend.

Na kënda mirërrojtja pa mundime,
Çdo punë toke bëhet pa një hir,
I shkojmë ditët gjithë me sendërgjime,
Duke e mashtruar veten me pahir.

Mos qahemi se faj na kanë fqinjët,
Kurse ne jemi foshnja, mituri,
Na vetë po ja hapim gjerë gjiret.

Një komb i mbledhur rreth një vatre.
Një vatër zanash dielli bukuri,
Mallkim përsa lakmojnë pas një tjetre
Mos rritet madhërisht një brez i ri.

Tiranë, 1938




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:05pm

Registered Member #2813
Joined: Tue Mar 24 2009, 12:56am

Posts: 10264
Vegim perenedimi

Me nje habie shoh tej largesiren
dhe rete nen vetull si dremitin,
shoh rrezet qysh e prekin erresiren,
me mijra shtiza syresh qe rreshqitin.

I lodhur dalngadale po zhduket dielli,
sikur dikush e heq pareshtur,
porsi nje liber i madh, mbyll faqet qielli
me pamjen e madheshtise se tij te heshtur.

Dhe hije e murrme vjen me fletet hapur,
me hovin e paprehur t'ameshimit,
nder thonjte e saj shpirtin duke ma kapur,
si bisha pa kurrfare perdellimi.

Dek hena me syte e saj depertonjes
dhe me veshtrim te thelle magjistari,
cdo send e namatis me hov qellonjes
me deh me plot menyra ginjeshtari.

Ne heshtje dhe ne endrra bote se paprekur
e caj mergimin e ndjenjave te mia,
me mendje tej pafundin duke ndjekur,
vezhgoj cdo yll ta shkoj mbi vigje e vija.

Nis endet disa prej pelhures zeze,
sa nates gjurme fare me s'i
mbetet, mbi toke, gjere shtrihet nje tryeze,
ku drita derdhet posht' si ar qe tretet.

I dehur jam prej bukurise se dites,
prej kaltersise se qiellit te kulluar,
q'e kqyr si cdo send me sy shetites,
plot etje te nje endjes se pashuar.




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:06pm

Registered Member #2813
Joined: Tue Mar 24 2009, 12:56am

Posts: 10264
Qytetërimi

Sot qytetërimi ësht’ një fjalë e thatë
U duk me punë e ngjarje që pohohen,
Se zjarri që i ra botës gjërë e gjatë
Si faqe libri janë që s’mohohen!

Ç’do ditë ësht sot porsi nj’ e tmerrtë natë
Me sy po sheh kaq vepra si dërmohen,
Ato që vet’ krijon njeriu i ngratë
Po në një grimë posht’ prej tij rrëzohen!

Mësimi i zbut vetijat sa për faqe,
Se egërsimi mbet në trup krejt brënda,
Kur sheh papra qysh derdhen vala gjaqet!

Ja fryti i qytetërimit gjer më pikë
Njeriu në shtazë ndrrohet kur i kënda:
Si penda që ju ndrrua sot në thikë!

1917




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:07pm

Registered Member #2813
Joined: Tue Mar 24 2009, 12:56am

Posts: 10264
Dituria

Ku jini ju, o mjeshtrit e dëgjuar,
Shkëlqim me veprat botës ju që i dhatë,
Ju filozofër mëndjes gjë që s’latë,
Ku janë ato që i shkuat nëpër duar?

Politikanë e diplomat’ të shquar
Si mendjemprehtë kokë e tru që vratë,
Këshilla që pë pndanit ditëe natë
Dhe predikonit paqen pa pushuar?

Qysh, fjal’ apo me bisht gënjeshtra ishin
Me dorën tuaj gjithë ato që shkruat,
A lodra qenë që ta prishin?

O mjer ata që mendjes suaj merren,
Ju veprat në varreza sot i ndrruat;
Se mbi vëllimet njerëzit po theren!...

1916




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:09pm

Registered Member #2813
Joined: Tue Mar 24 2009, 12:56am

Posts: 10264
Jeta

Si prej druvarit pylli poshtë kur bie,
Apo me kazmën dërmën i ve shtëpisë,
Ashtu dhe sot çdo zot i një mbretërie
Ka zënë rrugën krejt të marrëzisë.

Me këmbë shkelen ligje shoqërie
Sikur ka rënë urgjia e Perëndisë,
Ndër ta më s’mbet as pikë dashurie,
Që ngrihen mbi kurriz të njerëzisë.

Gjakderdhësit më dysh sot janë ndarë,
Dje putheshin si miq të vërtetë,
Sot u përleshën krejt mu si barbarë.

Që tejmatanë bota mbet e shkretë,
Ata mbi frona po tallen si të marrë,
Kur jashtë po shkrihet kot një e bukur jetë.

1914




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:10pm

Registered Member #2813
Joined: Tue Mar 24 2009, 12:56am

Posts: 10264
I dashur Atdhe

Me vite jam larguar,
i dashur Atdhè,
por nuk të kam harruar,
se shumë i ëmbël je.

Kjo zemra më këndon
për ty, o Shqipëri,
por prapë më lëngon,
se je në varfëri.

Të fala të dërgoj,
këndej ku jam Atdhè,
gjithnjë po të kujtoj,
se birin tënd më ke.




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:12pm

Registered Member #2813
Joined: Tue Mar 24 2009, 12:56am

Posts: 10264
Sa të dua, o Shqipëri!

Sa të dua, o Shqipëri,
sa me mall ndiej e sa dëshirë,
për ty gaz e dashuri
mu në zemër më ka mbirë!
Se për mua, o Atdhè,
je një lule aq e vyer,
sa nuk gjendet përmbi dhè
shpirtin tim për të ushqyer!




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:16pm

Registered Member #2813
Joined: Tue Mar 24 2009, 12:56am

Posts: 10264
Pamje vjeshte

Shkoi vera
...Si hije,
Fryn era,
...Shi bie.

Lart qielli
...Si plumbi,
Shkoi dielli,
...Na humbi.

S'ka jetë-
...Ra brymë,
Bar, fletë
...Pa frymë.

Rri zogu
...Te hajë,
Te shtogu
...Mi majë.

Ka gojë;
...Do jetën,
Ta rrojë
...Të shkretën!

Gjahtari
...Del gjahut;
Druvari
...Dru krahut.

Del bujku
...Mbleth berrat;
Te ujku,
...Nër ferrat!

Larg fshatit
...Tingllime
Rreth shtratit:
...Dëfrime!




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:18pm

Registered Member #2813
Joined: Tue Mar 24 2009, 12:56am

Posts: 10264
Vjeshta

U zhduk vapa, shkoi vera,
dhe bilbili më s'këndon,
erdhi vjeshta me të tjera,
syri ynë që i shikon.

Teret koha, hapen retë,
ngjyra plumbi përsëri,
duket prapë tjetër jetë,
që natyra ndërron tashti.

Era fryn, fletët bien,
pemët zhvishen si nga mot,
mali, fusha më s'ka hijen,
që e kishin gjer' në sot.

Bukurite janë zhdukur,
shiu e bryma zuri vend,
bari lulet kopshti i bukur,
u ndryshuan në çdo kënd.

Por e mirë është vjeshta,
sepse bujku gjithmon' punon,
për të vjelur sot ka vreshta,
nesër arat po lëron.

Njerëzit në çdo anë,
posa ngrihen në mëngjes,
nëpër fusha çdo gjë kanë,
rendin, mbledhin me kujdes.

Pra me punë gjith' të rrojmë,
se vec puna ne na vlen,
sepse ndryshe s'trashëgojmë,
verën tjetër që po vjen.




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:19pm

Registered Member #2813
Joined: Tue Mar 24 2009, 12:56am

Posts: 10264
Interesi

Hap sytë e rri mendohesh pa të duash
Kur sheh qysh rron në kohë të vështirë,
Se çdo që vjen mbi krye do ta vuash
Dhe veten tënde më s’e gjen të lirë!

Rreziku kur afrohet s’mund ta gjuash,
Një forcë e naltë rrugën e ka nxirë,
Sa më çdo çap, syrin pak po tallash,
Drejt në greminë mund të jesh i shtrirë!

Kjo luftë me tmerre të pathënë,
Ku jeta e njeriut në peshë s’vihet
Tek vete e vjen, ndër leqe je i zënë!

Njeriu q’e njeh sot masën e egërsimit
Së piri gjak vëllau ay më s’ngihet:
Për ar i shkel krejt ligjet e njerzimit!

1916


Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:21pm

Registered Member #2813
Joined: Tue Mar 24 2009, 12:56am

Posts: 10264
Lufta botës

Pa pik’ mëshire derdhet gjak ushtari,
Lumenj e fusha me të kuqe ngjyhen,
Kurorë e shqeptra bashkë me fronet ari
Me dorë vetë mbretërit i lyen.

Përmbysen tempuj e shtatore thyhen
Rrënime në çdo rrugë flagë zjarri,
Si gojë ferri hapet gojë varri
Tek hyjnë ata si bishat kot q’u shqyen!

Se ç’gjënë e prishje botës që i vu tmerrin:
Të vejat zi po mbajnë pa pushuar
Për famën s’di të kujt fitimn’ e nderin!

...Por fama ësht për sa që s’kanë vuar
Dhe nderi po s’kuptoj kujt i ka hije;
Kur plumbi korr e korr pa fund urije!

1914-1918


Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:24pm

Registered Member #2813
Joined: Tue Mar 24 2009, 12:56am

Posts: 10264
Kosovës

Kosovë, o vend' i famshëm i trimnis,
Kosovë, o lule e bukur e Shqipnis!
Ti bjeshkat plot vjollca rreth i ke,
...Si vashë e virgjen: nuse sikur je;
Dhe malet me bor
Mikrye i ke kunor!

Kosovë, o atdhe i lavduem i burrnis
Ti ke pas kjen mbretnesha e Rumelis!
Nalt mbaje kryet t'and si gjithmon
Difto-u e zonja; koha sot e don
Ti t'çohesh përseri
N'luftë t'mbarë për liri!

Se teje të madhe shpresë ushqen Shqipnija
Me burra ti q'i len, t'gjatë si selvija,
Sakola mali, shoq në bot' që s' kanë
Si luaj e si dragoj plot forcë që janë,
Që e derdhin gjakun prrue
Atdheun për m'e shpëtue!

Ke bij që s'kanë drojë asnjë pikë
As syni far' u tutet, s'dinë as frikë
Anmikut kur i sulen merrebtsi
Si breshni mi te hidhen me duhi.

Gra e vasha ke, si zana sy-mëdha
Trimnesha qi Shqipnija din m'i ba
Qi rrokin armët në luftë me gas tuj shkue
Ja se me mund, ja se me dekun tuj luftue!
Për nder të shtëpis s'vet;
E falin shpirt e jet!

Kosovë, o trimneshë, lule e rrallë
Detyrën tin' e ke me dal sot n'ballë
Se mbrrini koha, tokën për m'e mprue
Anmiqt e motçëm jashtë me i dëbue
Se mjaft e kanë robnue
Dhe n' zjarm e kanë prue!

A mund m'e durue pa pra kët zgjedhë
Që të huejt para syve të t'venë ledhe
Për me t'rrzue nër kamb' e për me t'shkel
Për me t'ba gjithë copë, mirë si ju del
Dhe duersh mos të lëshojn'
Prej faqes s'dheut të t'shojn!

Disa "Serbi e vjetër" duen me i thanë
"Maqedhoni" do t' jerë emnin ja lanë!
Atyne si u pëlqen kufijt i venë
Shqipnija veç mbas dojes s'tyne me kjenë;
Mendojnë pa turp kurrfarë
Se s'ka nji komb Shqiptarë!

Përpara burra, rrokni hut' e shpatë
Prej zis pështonëje Kosovën e ngratë
At' nanën t'uej t'lidhun kamb' e dur
Q' anmiqt e kan vorrue me dhe e me gur,
Me lott qi qan e ankon
E asnji nuk i ndihmon!

Shqyptarë mos kujtoni bes' e fè
Po nanën ju kujtoni qi u ka lè
Qi ka mbet fill e vetum si gru e vè
Prej bijet e harrume mi ket dhe!
Se ansht turp i math për ju
Të huejt me i u çnderu!

Sot ora mbrrini, dita e bekueme
Shqipnin m'e ba në bot' një vent t'lirueme!
Kosovës emnin me ja ngref te qilli
Për çud të botës sa ka me shkëlzy dilli
Me rrnue një Shqypni
Si zonjë në lumni.

Shqyptarë, çoni-u, vllazën ora mbrrini
Si Geg' e Toskë nalt flamurin e ngrini!
Një Manastir, Shkup, Shkodër e Janinë
Një trup bani-e an' e mb'anë Shqypninë
Si ç'trimit mirë i prek
Me nder n'luftë me dek!




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:27pm

Registered Member #2813
Joined: Tue Mar 24 2009, 12:56am

Posts: 10264
Vlorës

Ti je balli me florinj,
ti je lulja e Shqipërisë
dhe trumbeta e lirisë.

Pleq që ngjalle dhe të rinj,
tërë kombi të sjell nder,
me lavd emrin ta ka shkruar
se ti trime vet' me duar
fij't e flamurit ke tjerr!

Je kurora me shkëlqim
gurështrenjt', margaritarë,
që do mjeshtër magjistarë
t'i radhuan me qëllim.

Zjarr lëshojnë, që verbon,
si yj rrotull të shëndrisin,
rreze njyrash, llamburisin,
për sy bërë që lakmon!...

...Rrotull fqinjët sa fuqi,
sa mënyra nuk përdorin,
me pahir që të na korrin
çdo send, Vlorë, mban në gji!

Mund e bij ke pas' armiq,
me syt' katër gjith' pas arit,
jasht' zakonit të shqiptarit,
që s'shet besën për ca fiq.

Por ti, Vlorë, mos u dro!
Mbaj mburojën me qëndresë,
se kush vetes i zë besë,
e mat grushtin me këdo.

Se dhe Deti mik kur fle,
n'ëndrrat kryen një dëshirë
mbret të jet' e zot i lirë
veç për tokën q'i dha bè.



[ Edited Fri Mar 10 2017, 10:28pm ]


Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:28pm

Registered Member #2813
Joined: Tue Mar 24 2009, 12:56am

Posts: 10264
Varri i Leshit

Atje në Lesh një varr është i harruar
Që në kujtim ka mbetur si përrallë,
Se ka pas qen’ dikur një trim i gjallë,
Kujt eshtrat qenë çdukur pa mbuluar.

Si varri q’ësht’ i zbrazur, i shkretuar,
Sa gjurmë nuk i mbeti trimit vallë,
Veçse ndër t’huaj një e ndryshkur pallë,
Pa shpresë për qëllimin q’ish gatuar.

Por, si u çduk ay, dhe trimëria,
Ashtu u çduk prej nesh përgjithmonë,
Se sot s’ka, jo, më trim si atë Shqipëria.

Si s’qenë të zot eshtrat t’ja nderojnë;
Veç grindje dhe përçarje në mes tonë!
Sot mëkatet le t’i lajm’ se i meritojmë.

1938




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
OLIVE OYL
Fri Mar 10 2017, 10:28pm
Qukulina


Registered Member #4115
Joined: Mon Aug 23 2010, 01:29pm

Posts: 17082
LUPEN ka shkruar:

I dashur Atdhe

Me vite jam larguar,
i dashur Atdhè,
por nuk të kam harruar,
se shumë i ëmbël je.

Kjo zemra më këndon
për ty, o Shqipëri,
por prapë më lëngon,
se je në varfëri.

Të fala të dërgoj,
këndej ku jam Atdhè,
gjithnjë po të kujtoj,
se birin tënd më ke.





Zor se i vjen atdheut ma shoku i Asdrenit
Na ka ba atdheu egoista




***

I once had a thousand desires,
But in my one desire to know you
all else melted away.


trokit ketu

Back to top
LUPEN
Fri Mar 10 2017, 10:31pm

Registered Member #2813
Joined: Tue Mar 24 2009, 12:56am

Posts: 10264
OLIVE OYL ka shkruar:

LUPEN ka shkruar:

I dashur Atdhe

Me vite jam larguar,
i dashur Atdhè,
por nuk të kam harruar,
se shumë i ëmbël je.

Kjo zemra më këndon
për ty, o Shqipëri,
por prapë më lëngon,
se je në varfëri.

Të fala të dërgoj,
këndej ku jam Atdhè,
gjithnjë po të kujtoj,
se birin tënd më ke.




Zor se i vjen atdheut ma shoku i Asdrenit
Na ka ba atdheu egoista



E vërtetë OLIVE


Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:34pm

Registered Member #2813
Joined: Tue Mar 24 2009, 12:56am

Posts: 10264
Letrë prej katundit tim

Urdhëroni, zot, në fshatin tonë
me shtëpi të bardha si gjithmonë,
me avlli dhe porta pleqërishte
gjith' me buzëqeshje dhëndërrishte.
Kur dritaret qeshin bukurije
nga të vendit lule plot me hije:
borzilok i gjelbër që mban erë,
që të deh sikundër deh një verë;
me të bashk' e bufka magjistare,
që tërheq me pamjen ledhatare
dhe qershiz' e turpshme porsi vashë
q'i çel syth' e kuq të saj gjumashë.
Si dhe karafil e trëndafili
që padashur vjen të fton secili.
Po të hyni brenda do të shihni
si ju prehet syri nga q'e shtini.
Në të bardhë muret gjithë të lyer
si një trup i paqm' e i papërlyer;
Dhomat poshtë e rrotull bukur shtruar
gjithë me shtresa dore zonje shkruar
q'u shkëlqejnë ngjyrat qysh ylberi
me fytyra zhgabe dhe skifteri.
Prej shtëllungash dita pa u gdhirë
tjerrur lesht' e bardhë e fijedlirë
n'avlimend punuar ditë e natë
siç tek na me zell punojnë gratë.
Çdo q'u del nga duart e qëndisur
është gjith' lule e flutura stolisur
Më çdo send të vet e të shtëpisë
duket dora, mjeshtr' i bukurisë.
Pale diellit rrezet kur i çohen!
Faqe-faqe ngjyrat sheh si ndërrohen
dhe kur hën' e plotë vjen e bie
sheh pallate prrallsh plot magjije,
ku gjen krejt një pritje miqësore
si nër viset tona malësore,
tek ju presin jo më pak bujare,
zonja si dhe vajza shtatkrenare.

Urdhëroni, zot, në fshatin tonë
që pret dyerhapur si gjithmonë
se mundimi kot s'ka për t'ju vajtur
sado mend të keni për ta mbajtur.
Se një drek' e darkë do të gjeni
dhe një shtrat të lirë ku të fleni
dhe tek një i varfër po të shkelni
pa ju pritur mirë s'do të delni.
Ka secili miqtë për t'i prekur
Një lakror a mish a zog të pjekur,
vez' e petka gjalp' e kos a salcë
po gjith' aq të majmë mu si palcë.
Pale djathë, gjizë e dhallë!
Plot, se fshati ka mjaft gjë të gjallë:
dhen e dhi, si kecër ka dhe shqerra
lopë, viçër, dema dhe mëshqerra
nër kullota çuar me barinjtë
të shijojnë barin e kërthinjtë.
Dalëngadalë kur kthehen mbrëma herë
fyell e këmborë ziejnë n'erë.
Tufa-tufa malit kurse vijnë
të zë malli kur po blegërijnë
që t'ua mjelësh qumështin e majmë,
siç tek na q'e kanë mend sa mbajnë.

Urdhëroni, zot, në fshatin tonë
ky fryn er' e malit si gjithmonë,
se katundi ynë, fala Zotit,
është plot nga çdo prodhim të motit:
grurë ka, dhe misër e tërshërë,
pale vreshtat, zot, kur janë bërë:
t'ëmbël mjaltë rrushtë si ngaherë
që del syresh fort e shijshmja verë.
Ka dhe ara e qershi e thana,
por nër ne më shumë bëhen mana.
Porsi vëthë varg q'u mvaren sërët
gjersa skuqen, nxihen në të bërët,
që prej frytit tyre kaq të shquar
del një e pirë me emër të dëgjuar.
Pa ka dhe fasule t'ëmbla shumë,
se burimet rrjedhin porsi lumë.
Nër luadhe rritet bar me lule
dhe nër kopshte kunguj plot me tule.

Uj' i ftohtë derdhet nëpër kroje,
ujë q'ep shëndet po pive soje,
që del malit, shket përmes lajthie,
gur mi gur me sulmin ëngjërvie.
Pa ne kemi bujq e punëtorë
gjith' flori që del ku venë dorë.
Në fshat tonë burrat nuk përtojnë,
si diku, që gratë t'u lërojnë.
Ca dhe vatrës tyre në largohen
gjith' për fshatn' e vet ata mendohen,
nga të gjitha t'jetë plot shtëpia,
siç e do dhe nderi dhe vetija.
Portën miqve ne gjithmonë ua çelim
se zakonet, zot, ne nuk i shkelim
se ky vendi ynë mund ka të meta,
por për pritje miqsh i tretet jeta.




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:36pm

Registered Member #2813
Joined: Tue Mar 24 2009, 12:56am

Posts: 10264
Flutura

O flutur e vogel e kraheshkruar,
sa e kendshme qenke ne tu dukur,
kudo ti qe shkon duke fluturuar,
s'ka gje me te pelqyer, s'ka gje me te bukur!

Flutur, ti kur vjen, gjithe gazment sjell,
natyra qesh dhe bota eshte ne gezim
se ti, vogelushe, dimrin e percjell
dhe ne na mbush zemrat me mall pa mbarim!

Gjethi me ty ka shije kur bleron,
si dhe pylli ku eshte ne lulezim,
kur lehte si pupel mbi to qendron
dhe fletet e mallshme i puth me defrim!

Fluturo, bukuroshe, na pergezo,
perkedhelna me ate embelsire,
sic perkedhel lulet kur qendron mbi to,
dhe fushes kur me lodra i jep hir!




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:37pm

Registered Member #2813
Joined: Tue Mar 24 2009, 12:56am

Posts: 10264
Nje ore lumtesie

Hena ndrinte porsi argjent
Kur nde kopshtije bashke vinim
Dhe me doren mbi krahun tend
Te ndihnja mbi bar te rrinim.

Ah, sa embelsire ndjeva
Kur doren ma zgjate
Atthere fare me s'e msheva
Miredashjen zemres sate.

Lulet na çonin nje ere
Shume te embel e te pelqyer
Edhe zefiret nga here
Na kujtonin pa kursyer.

Rrezet qe na pergezonin
Kur ishim te perqafuar
Dashurine na e shtonin
Me nje mall te pa rrefyer.

Sa fjal' t'mbla me thoshe
Kur perkedheleshim te dy
Dhe me syçkat bukuroshe
Me benje te mos ndahem nga ty.

Po dyshimi nuk me linte
te te besonj se ti me do
Si hena qe rrezet mshifte
Dhe i çonte ku desh ajo.

Veç athere kupetova
Se je zemer plot meshire
Dhe veten time e ngrova
Kur me puthe me deshire.




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:39pm

Registered Member #2813
Joined: Tue Mar 24 2009, 12:56am

Posts: 10264
Përrallë e vjetër

Kish mbetur në vetmi edhe harrim
Dhe bota rreth i dukej si e shkretë
Përhera vetë pyetej ç’do jetë
Kjo rrojtja pa kurrfarë një kuptim?

Përnjëherë e gëzoi një lumtëri,
Për të një ngjarje krejt e pashpresuar,
Ish paras që po ndjente dashuri
Dhe paras ish kur qe i dashuruar.

Ashtu siç gjykoi ai me mend
Se më të rëndin t’jetës tij problem
E pati zgjidhur, po, me një poem,
Aq sa prej gazit më nuk gjente vend.

T’i mbushet ëndrra dot që s’e pat lidhur,
Siç as aherë as kurrë nuk u mund,
Problemi mbet siç ish gjith’ i pazgjidhur,
Por poemi, patjetër mori fund.




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
OLIVE OYL
Fri Mar 10 2017, 10:39pm
Qukulina


Registered Member #4115
Joined: Mon Aug 23 2010, 01:29pm

Posts: 17082
LUPEN ka shkruar:

Flutura

O flutur e vogel e kraheshkruar,
sa e kendshme qenke ne tu dukur,
kudo ti qe shkon duke fluturuar,
s'ka gje me te pelqyer, s'ka gje me te bukur!

Flutur, ti kur vjen, gjithe gazment sjell,
natyra qesh dhe bota eshte ne gezim
se ti, vogelushe, dimrin e percjell
dhe ne na mbush zemrat me mall pa mbarim!

Gjethi me ty ka shije kur bleron,
si dhe pylli ku eshte ne lulezim,
kur lehte si pupel mbi to qendron
dhe fletet e mallshme i puth me defrim!

Fluturo, bukuroshe, na pergezo,
perkedhelna me ate embelsire,
sic perkedhel lulet kur qendron mbi to,
dhe fushes kur me lodra i jep hir!




Ne kto raste pyetja e par qe na bashin në shkollë ishte :ça personifikon (ne kyt rast) flutura dhe ça ka dasht me than autori.
Tesh që i lexoj për kënaqësi e pa detyrim them se ska personifikim kërgja thjesht ka fjalezu nji vizitë të fluturues. Si të filmi 'the book thief'



***

I once had a thousand desires,
But in my one desire to know you
all else melted away.


trokit ketu

Back to top
LUPEN
Fri Mar 10 2017, 10:40pm

Registered Member #2813
Joined: Tue Mar 24 2009, 12:56am

Posts: 10264
Dashuro!

Shëko lisi si me flet
Fjale t'embla si me ushton,
Deget unj e me therret
Dashuro, se koha shkon!

Maj' e plepit gjithënje,
Kur tunt kryet me qorton,
Perpjek flete me çon ze
Djale ç'pret e s'dashuron!

Er' e malit me nje ushtim
Dhe mburimi qe kullon,
Gjithe me thone plot gezim:
Dashuro, se koha shkon!

Kopeshtit vasha qe po pret
Si zog pylli qe kendon,
Buzeqeshur me therret,
Djale ç'pret e s'dashuron!

Mua zemera gjith me rreh
Brenda gjaku me valon
Ma ndes mallin me ve re
Dashuro, se koha shkon!

Çdo gje rrotull me pyet
Djale ç'pret e s'dashuron
Ditet shkojn, jeta shket
Dashuro, se koha shkon!




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
LUPEN
Fri Mar 10 2017, 10:42pm

Registered Member #2813
Joined: Tue Mar 24 2009, 12:56am

Posts: 10264
Kthime

Kur te pashe me s'te lashe,
T'u afrova e s'tu ndashe
Dhe me ze t'embel te thashe:
"Sa te dua o moj vashe!"
edhe ne gjunje te rashe,

T'u luta gjersa u vrashe
Po nga zemera psheretita
U treta, u lebetita,
Se asnje fjale s'te qita,
Gjersa shpresen far' e ngrita

Se m'u merzit sa te prita,
Aq sa u ngrys edhe dita.
Vetem pastaj une u zgjova
Dhe mendjen time nderrova
Kur zemeren ta kuptova

Dhe ika e te harrova,
Nga tere mundimet shpetova
Si dhe shpirtin e qetova.
Pastaj ti mbremanet heret
Me vjen rrotull si nje shqerre

Si nje fytyre ne vere
Dhe me lutesh aqe here
Po tashti shëko te tjere
S'e ste dua moj e mjere.




Edhe lumi ka kangen e vet. Nga një herë e zhurmshme dhe e vrullshme: kanga e randë e vajit. Mandej me një rrëmbim gazmor që kënaq çdo gja që natyra ka falun: kanga e hovshme e haresë.
Lot e gaz. Si jeta e njerëzve...

Back to top
OLIVE OYL
Fri Mar 10 2017, 10:46pm
Qukulina


Registered Member #4115
Joined: Mon Aug 23 2010, 01:29pm

Posts: 17082
LUPEN ka shkruar:

Nje ore lumtesie

Hena ndrinte porsi argjent
Kur nde kopshtije bashke vinim
Dhe me doren mbi krahun tend
Te ndihnja mbi bar te rrinim.

Ah, sa embelsire ndjeva
Kur doren ma zgjate
Atthere fare me s'e msheva
Miredashjen zemres sate.

Lulet na çonin nje ere
Shume te embel e te pelqyer
Edhe zefiret nga here
Na kujtonin pa kursyer.

Rrezet qe na pergezonin
Kur ishim te perqafuar
Dashurine na e shtonin
Me nje mall te pa rrefyer.

Sa fjal' t'mbla me thoshe
Kur perkedheleshim te dy
Dhe me syçkat bukuroshe
Me benje te mos ndahem nga ty.

Po dyshimi nuk me linte
te te besonj se ti me do
Si hena qe rrezet mshifte
Dhe i çonte ku desh ajo.

Veç athere kupetova
Se je zemer plot meshire
Dhe veten time e ngrova
Kur me puthe me deshire.





So pure




***

I once had a thousand desires,
But in my one desire to know you
all else melted away.


trokit ketu

Back to top
Go to page  1 2  

Jump:     Back to top

Syndicate this thread: rss 0.92 Syndicate this thread: rss 2.0 Syndicate this thread: RDF
Powered by e107 Forum System
Kerko ne Google dhe ShkodraOnline.Com
Custom Search
Mire se Vini
Emri i Identifikimit:

Fjalkalimi:




Me Kujto

[ ]
[ ]
Muzik Shkodrane - Sagllam


 
Chat Box
You must be logged in to post comments on this site - please either log in or if you are not registered click here to signup

Shkodra ne Youtube
Any use of the name and content of this website without the explicit written consent of the owners is strictly prohibited and it is protected under law. Email:webmaster@shkodraonline.com Per cdo ankese ju lutem mos hezitoni te na shkruani Flm. info@shkodraonline.com
Theme created by Free-Source.net
Render time: 0.2619 sec, 0.0628 of that for queries. DB queries: 58. Memory Usage: 3,110kB