Migjeni, ky uragan në Gjermani

:::ShkoderZemer Mapo.al - Me rastin e 100-vjetorit të lindjes së poetit të njohur shqiptar, Millosh Gjergj Nikolla, (Migjeni), organizatat dhe shoqatat shqiptare të Mynihut organizuan një mbrëmje përkujtimore për këtë personalitet të shquar të viteve ‘30, themelues i letërsisë moderne shqiptare. Me


këtë rast u promovua edhe filmi dokumentar me titull “Migjeni, ky uragan”, i përgatitur nga gazetarja e Radiotelevizionit Shqiptar, Tefta Radi, me kamera të Agim Kurit. Mbrëmja përkujtimore u mbajt të dielën, më datë 20 nëntor në Klinikum Großhadern, në Mynih. Millosh Gjergj Nikolla (Migjeni) është shkrimtari i madh i letërsisë moderne shqiptare. Ai ishte dhe do të jetë në zemrat e çdo personi që nga letërsia di të marrë të bukurën dhe të magjishmen. Më 13 tetor të këtij viti ishte edhe 100-vjetori i lindjes së këtij artisti të jashtëzakonshëm. “Millosh Gjergj Nikolla (Migjeni) është shkrimtari që unë e adhuroj. Për mua, ai mbetet themeluesi i letërsisë moderne shqiptare, gjeniu i të gjitha kohërave. Migjeni është shkrimtari që hyri në historinë e letrave shqipe si një qenie e madhe sociale. Sa herë lexoj pjesë nga krijimtaria e tij, në poezi apo në prozë, ndjej forcën e fjalës që përcjell pena “migjeniane”, mesazhin e fuqishëm që mbetet në më të shumtën e krijimtarisë së tij, mjaft aktuale”, - u shpreh ideatorja e këtij dokumentari, gazetarja Tefta Radi. Dokumentari “Migjeni, ky uragan” mbështetet mbi dëshmi autentike, në rrëfimet e personave që kanë pasur kontakte me shkrimtarin e madh, të cilët konsiderohen edhe si dëshmitarët e fundit të viteve ’30. Po ashtu me ish-nxënës të Migjenit, që numërojnë mbi 90 vite mbi supe, por edhe personazhe të tjerë, si dhe në dëshmitë e trashëgimtarëve të familjes Nikolla, mbesës Angjelina Ceka dhe nipit Gjergj Pero. Mjaft fakte interesante sjellin edhe studiuesit Moikom Zeqo e Adriatik Kallulli. Një vend të rëndësishëm zënë edhe interpretimet e aktorëve shkodranë, Enver Hyseni, Merita Smaja e Paskualina Gruda.

Vazhdo Leximin...

Komenti 0