Welcome to ShkodraOnline

Shkodra - A City in Northern Albania. Beautiful landscapes, people, music and tradition.

A website for Shkodra and all who love this ancient city.


Lexime te Tjera
[news] Muzeu i diktatures i hapur per 100 vjetorin e pavaresise
Posted by menelau on 14 May : 10:36
[news] Shqiptarët janë vrarë më shumë mes veti sesa nga të huajt
Posted by lidabica on 23 Apr : 19:50
[news] Rama dhe Meta firmosin në Shkodër marrëveshjen parazgjedhore
Posted by Miri74 on 23 Apr : 13:49
[news] Përmbytjet, katërfishohen çmimet e prodhimeve sezonale
Posted by Miri74 on 16 Apr : 10:39
[news] Shkodër, treni përplas makinën
Posted by ALBERTSA on 15 Apr : 20:12
[news] Shkodër, treni përplas makinën
Posted by menelau on 15 Apr : 13:55
[news] Shkodër, treni përplas makinën
Posted by ALBERTSA on 13 Apr : 20:18
[news] Shkodër, treni përplas makinën
Posted by menelau on 13 Apr : 14:48
[news] Ndihma per spitalin e Shkodres
Posted by Miri74 on 11 Apr : 10:43
[news] Shkodër, braktiset by-pass
Posted by scuteri on 23 Mar : 17:44



Facebook -


Twitter
16
11.2011

Sukaj e Vajushi e konfirmojnë: Ikim në janar

:::ShkoderZemer
Metropol - Duket se nuk është vetëm një hamendësim apo sajesë e medias, largimi i dyshes sulmuese më të mirë të kampionatit shqiptar, Xhevahir Sukajt e Armando Vajushit, është i sigurt në janar. Kjo sepse lajmi konfirmohet nga burime shumë të sigurta, vetë lojtarët. Të dy futbollistët e Vllaznisë, e kanë pohuar dje këtë fakt duke dhënë,


madje edhe detaje. Ata janë shprehur se do t’i paguajnë klubit dëmshpërblimin që i takon sipas kontratës dhe në këtë mënyrë janë të lirë për të vazhduar karrierën e tyre kudo që dëshirojnë. Sukaj nuk ka ende një pistë shumë të përcaktuar, ndërsa Vajushi ka refuzuar grekët e PAS Janinës dhe është pranë Këlnit ose Thunit.

Sukaj: E them me bindje të plotë

“Është e sigurt se unë do të largohem në janar nga Vllaznia. Këtë e them me bindje të plotë. Sikurse thashë në verë, se në atë periudhë, nuk do të largohesha nga ekipi dhe e mbajta fjalën, tani ka ardhur moment për t’u larguar dhe këtë do ta bëj në janar”, ka thënë në fillim për gazetën tonë, golashënuesi më i mirë, deri më tani, i kampionatit shqiptar, Xhevahir Sukaj. Më pas, duke u ndalur tek e ardhmja e tij dhe destinacioni i mundshëm, shkodrani ka lënë gjithçka të hapur, për pista brenda dhe jashtë kampionatit shqiptar. “Për destinacionin e mundshëm nuk mund të them ndonjë gjë konkrete për momentin. Megjithatë, synimi dhe qëllimi kryesor mbetet një ekip jashtë Shqipërisë. Por, kjo mbetet për t’u parë”, ka thënë shumë shkurt në mbyllje sulmuesi i Vllaznisë, Xhevahir Sukaj. Pra, sulmuesi shkodran nuk ka përjashtuar një mundësi reale të qëndrimit të tij, edhe në kampionatin shqiptar, por ka hedhur poshtë në mënyrë kategorike qëndrimin tek Vllaznia. Sukaj ka shënuar deri më tani 8 gola në këtë sezon, duke qenë më i miri i linjës së parë të sulmit, së bashku me Roland Dervishin e Shkumbinit. Sukaj duhet t’i paguajë një shumë prej 50 mijë eurosh klubit të futbollit “Vllaznia sh.a”, për t’u larguar në janar dhe mesa duket sulmuesi është i gatshëm për një gjë të tillë. Për momentin Flamurtari është një pistë e mirë për sulmuesin e grumbulluar së fundmi me ekipin kombëtar, pasi tekniku Edmond Lutaj e parapëlqen jashtë mase, pavarësisht se vlonjatët nuk duan të futen në punët e shkodranë. Por, kjo është pista shqiptare, sepse Sukaj në radhë të parë do të interesohet për vazhdimin e karrierës së tij në ndonjë kampionat evropian, ku edhe pse lojtari nuk thotë asgjë, interesim jozyrtar ka nga disa klube.

Vajushi refuzon grekët, drejt Këlnit dhe Thunit

Por, eksodi i muajit janar tek Vllaznia nuk do të ndalet me kaq. Me valixhe në dorë është edhe sulmuesi tjetër, njëkohësisht i ekipit tonë “Shpresa”, Armando Vajushi. I kontaktuar, pasditen e djeshme, nga gazeta, përmes telefonit, pasi gjendet i grumbulluar me ekipin “Shpresa”, për sfidën e sotme me Portugalinë, shkodrani tjetër i sulmit të Vllaznisë, duket se është në të njëjtën linjë shokun e tij, Sukajn, sa i takon largimit në janar. “Për Vllazninë po mendoj deri në janar, të jap gjithçka, pastaj do të flasim ndryshe. Kam oferta shumë të mira nga Këlni dhe Thuni, të cilat mbeten alternativat më të mundshme për në janar. Kështu që thuajse 99% , pikërisht në janar do të largohem nga Vllaznia dhe kjo nuk ka diskutime”, ka thënë në fillim Vajushi. Ai ka bërë të qartë se askush nuk mund ta pengojë këtë futbollist për t’u larguar nga kuqeblutë, kur të paguajë shumën prej 100 mijë eurosh, që e ka të cituar në kontratë. “Nuk mund të më pengojë askush për një gjë të tillë. Unë i paguaj Vllaznisë 100 mijë euro dhe largohem dhe kështu marr kartonin dhe kam të drejtën time të zgjedh ekipin me të cilin do të luaj në janar e mbrapa. Megjithatë, të presim janarin për të folur më konkretisht”, ka thënë Armando Vajushi, një ndër futbollistët e perspektivës në futbollin shqiptar. Vajushi ka pasur në këto ditë edhe një ofertë tjetër, por ai e ka hedhur poshtë mundësinë për të kaluar në radhët e grekëve të PAS Janinës, pasi Thuni dhe Këlni ofrojnë shumë më tepër se skuadra e shtetit fqinj, nga ana financiare, por edhe për rritjen e cilësisë së tij, si futbollist, kampionati gjerman dhe ai zvicerian, janë më lart se kampionati grek.


Vazhdo Leximin...
Komenti 1printer friendly
Comments
Sukaj e Vajushi e konfirmojnë: Ikim në janar, babo 17 Nov : 13:37 Reply to this

shyqyr

You must be logged in to make comments on this site - please log in, or if you are not registered click here to signup
Shkodra ne Youtube
Any use of the name and content of this website without the explicit written consent of the owners is strictly prohibited and it is protected under law. Email:webmaster@shkodraonline.com Per cdo ankese ju lutem mos hezitoni te na shkruani Flm. info@shkodraonline.com
Theme created by Free-Source.net
Render time: 0.1648 sec, 0.0403 of that for queries. DB queries: 37. Memory Usage: 2,233kB